Lokal | 18. apr. 2018

Første tur med nystarta elsykkelgruppe

Fjorten syklistar stilte til start i det som kan bli fast innslag kvar veke av LHL Os.

Første tur med nystarta elsykkelgruppe
Første tur med elsykkelgruppa starta med 14 deltakarar frå Holbrekka. (Foto: Egil Njøten, LHL Os)
Kjetil Vasby Bruarøy
Kjetil Vasby Bruarøyonsdag 18. apr. 2018 09:48

Bildeserie:

Bjørg og Gerd koste seg med is i pausen. (Foto: Egil Njøten, LHL Os)
Bjørg og Gerd koste seg med is i pausen. (Foto: Egil Njøten, LHL Os)
1 av 1
Bjørg og Gerd koste seg med is i pausen. (Foto: Egil Njøten, LHL Os)

LHL Os har starta ei eiga elsykkelgruppe, og i strålande vêr var det søndag tid for første tur.

– Vi møttest ved biblioteket. Etter gruppefoto var det fleire spente som tok sine første sykkeltråkk på mange år, enkelte hadde ikkje sete på ein sykkel sidan ungdomstida, fortel Egil Njøten.

Turen skulle gå via Meny, over Ulvensletta, Grindavoll og på sykkelsti til Oseana.

– Gleda var stor då deltakarane kjente kor god hjelp dei fekk av elmotoren, og at det gjekk greit å halda balansen sjølv om beina fekk hjelp av litt ekstern motorstyrke.

Motbakkane gjekk unna utan pustevanskar.

Trengte ikkje eigen elsykkel

På Grindavoll var det samling og pause, litt for å heidra seg sjølv.

– Vi måtte òg heidra dei tre eldsjelene i sykkelgruppa, Jan Oddvar Gjerde, Gerd Lunde og Bjørn Blytt, som har skaffa alle syklane.

LHL Os har fått Extra-midlar frå Norsk Tipping, og har kjøpt 10 elsyklar som medlemmar kan bruka.

Turen blei avslutta ved Oseana.

– No er intensjonen å få til minst éin gruppetur i veka, så får vi håpa på ein fin sykkelsommar, seier Njøten.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.