Lokal | 05. apr. 2019

Frå desse vegstrekka kjem flest klager

Sol og tørr asfalt får politiet til å prioritera desse områda.

Frå desse vegstrekka kjem flest klager
Markerte vegstrekk i kartet viser kva område politiet, etter mengde klagar frå publikum, prioriterer. (Kart: Os kommune, kartios.no)
Kjetil Vasby Bruarøy
Kjetil Vasby Bruarøyfredag 05. apr. 2019 08:51

Politiet har fokus på trafikk om dagen. Onsdag blei til saman 11 syndarar tatt i 3 ulike kontrollar, samtidig auka mengda meldingar til politiet om høg fart og uaktsam køyring.

– Når våren kjem, sånn som no, med sol og tørr asfalt, er det dessverre vanleg med litt fleire fartssyndarar. I tillegg kjem motorsyklane på vegen, vi får fleire mjuke trafikantar, og fleire som gjerne skal «testa» bil eller mc på eit eller anna vegstrekk, seier politioverbetjent Anne Lyssand.

– Frå enkelte område får vi fleire telefonar i veka. Vi prøver å vera ofte ute, og å prioritera desse områda, men det er òg til god hjelp om vi får registreringsnummer. Om førar eller eigar av bil blir identifisert, kan vi i det minste få ein samtale som kan føra til betra åtferd i trafikken.

Ho ramsar opp desse områda som dei det oftast kjem meldingar frå:

Fv 137 Hegglandsdalsvegen: Store delar av vegen, frå Hauge og innover dalen, heilt til Rød. Nyleg kom det klage om høg fart forbi skulen akkurat i tida då skulen slutta og elevane skulle heim.

Fv 159 Skeisflaten: Spesielt i 30-sona forbi kryss mot skular og idrettsplass i Skeismyra. Frå dette området kjem det meldingar nesten dagleg.

Fv 160 Strønevegen og Ulvenvegen: Ulvensletta både retning mot Os og mot Strøno/Skeie, i 50- og 70-sona, og lengre ute mot Strøno.

Fv 161 Lyseklostervegen: Særleg i 50-sona forbi Ulven leir, og frå Pøylo opp mot klosterruinane.

Fv 163 Fanafjellsvegen: Her var det nyleg ei ulykke i samband med ei forbikøyring, ei ulykke der skaeomfanget var nær på å bli endå meir alvorleg enn det blei.

Fv 552 Hatvikvegen: Frå Hauge på veg mot ferjekaien på Hatvik. Spesielt første del, i 50-sona frå Hauge til kryss ved Moldegård og Bjånes, er utsett. I krysset har det vore fleire ulykker, i 2007 var det ein mc-førar som omkom etter kollisjon med bil i krysset.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.