Espen Haraldseid (t.v.) og Andreas Støle-Hansen på trening med Os i kveld. (Foto: Kjetil Vasby Bruarøy)

Frå Haugesund til Os

Brenne har signert to nye spelarar.

Av: Kjetil Vasby Bruarøy

A-stallen til Os er utvida med to spelarar, Espen Haraldseid og Andreas Støle-Hansen.

Begge er 19 år gamle og kjem frå FK Haugesund. 

Dei har spelt på Haugesund FKH 2, som i skrivande stund ligg på 3. plass i 4. divisjon, dei siste år.

– Vi har hatt dei på prøvespel i sommar, og dei gjorde godt inntrykk både sportsleg og som personar, seier Os-trenar Endre Brenne.

Midtbane og back

Espen er høgre back og Andreas, som er venstrefot, blei for eit par år sidan omskulert frå midtbane til venstre back.

Dei flyttar til Bergen for å studera økonomi og idrett, og har prøvespelt for fleire klubbar før dei landa på Kuventræ.

– Vi føler vi blei godt tatt imot og har eit godt inntrykk av miljøet i klubben, og av det sportslege opplegget, seier dei to.

Andreas vaks opp i Djerv 1919, Espen i SK Vats 94, før dei som 15-åringar signerte for FK Haugesund. 

Dei har foreløpig kontrakt ut sesongen.

 

Fleire saker