Lokal | 25. juli 2011

Frå Hawaii til Oseana

Onsdag kom dei nygifte heim frå Kauai, laurdag var det bryllaupsfest, den første i Oseana, for Tine Leivestad Tvedten og Vegard Borgen.

Kjetil Vasby Bruarøy
Kjetil Vasby Bruarøymandag 25. juli 2011 14:16

Bildeserie:

bilde
bilde
bilde
bilde
bilde
bilde
bilde
bilde
bilde
bilde
bilde
1 av 9
bilde
bilde
bilde
bilde
bilde
bilde
bilde
bilde
bilde

I april skreiv vi om det vi den gong meinte truleg blei den første bryllaupsfesten i det nye kunst- og kultursenteret Oseana. Og festen til Tine Leivestad Tvedten og Vegard Borgen laurdag 23. juli blei den første, men neppe den siste.

– Vi har fått fleire bestillingar. I august skal vi ha både bryllaup og 80-årsdag her i Oseana, sa programsjef Berit Steen til Midtsiden laurdag.

Ho og sjefen på restauranten Færingen, Christian Stokke Mathisen, var spent på korleis det ville fungera med denne typen arrangement.

– Det første som slo meg då dei hadde dekka til 86 gjestar var kor romsleg det var i foajeen.

Bruda sa ikkje ja

Laurdag var det først og fremst Tine og Vegard det handla om. Dei to reiste saman med 15 familiemedlemmar og vennar til øya Kauai, den eldste og fjerde største Hawaii-øya.

Ferien starta med avreise 23. juni, 15. juli sto bryllaupet og onsdag 20. juli var dei heime i Os.

– Det blei ein flott seremoni på stranda, med lokal prest og og ein innfødd på ukulele som sørgja for musikk til innmarsjen, fortel Vegard.

– Og Tine sa ja?

– Nei, ho sa «I do», fortel brudgomen og ler.

Både presten og nokre av gjestane er engelstalande, så då blei det sånn.

Fantastisk tur - kort seremoni

Brudeparet og resten av reisefølgjet fekk oppleva flott landskap, action i form av zip-line-tur, sol og bading - og havfiske.

– Eg fekk ein fin tunfisk. Den var eg nøgd med heilt til eg kom til land og møtte ein på brygga som hadde fått ein sverdfisk på over 200 kilo, fortel Borgen.

– Kva med bryllaupet, var det stor forskjell frå bryllaup du har vore i heime i Noreg?

– Lengda var veldig annleis, alt var over på eit kvarter. Men det var flott, brullaupet var i 18-tida, med låg kveldssol, og vi fekk faktisk ei kort regnskur på oss, noko som visst skal bety lykke.

Oseana godt eigna

Brudeparet fortel at dei er nøgd med festen i Oseana, både maten og lokalet.

– Vi fekk fine tilbakemeldingar og synes sjølv at det gjekk bra. Dette var første gong vi brukte cateringkjøkkenet vårt, og vi hadde restauranten open parallelt med festen i foajeen, seier Christian Stokke Mathisen.

Brullaupsgjestane fekk pannesteikt sjøkreps til forrett, langtidssteikt kalv til hovudrett og brioché-arme riddarar med rabarbra og jordbær til dessert.

Etterpå kunne dei svinga seg på innleigd dansegolv etter musikken til Geir Magne Johnsen.

– Vi skal kjøpa oss eit slikt golv til å legga på flisene når vi skal ha fest, men førebels måtte vi leiga, seier Berit Steen.

Spennande? Vil du ha ukas høgdepunkt i innboksen?

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.