Frå hjarteflimmer til 100 fjellturar

Midtsiden TV: I haust var Finn-Erik Moberg (66) innlagt med hjarteflimmer, i dag gjekk han fjelltur nummer 100 på 4 månadar.

Kjetil Vasby Bruarøy
Kjetil Vasby Bruarøysøndag 21. juni 2015 20:03

Bildeserie:

Finn-Erik Moberg på toppen av Liafjellet på det som var hans fjelltur nummer 100 til no i år. (Foto: Kjetil Vasby Bruarøy)
– Eg forstår ikkje dei som spring med musikk på øyrene i fjellet, når det er så deilig med ro og fred. (Foto: KVB)
Når barnebarna er med så helser dei alltid på dette store treet. (Foto: KVB)
Finn-Erik Moberg på toppen av Liafjellet på det som var hans fjelltur nummer 100 til no i år. (Foto: Kjetil Vasby Bruarøy)
– Eg forstår ikkje dei som spring med musikk på øyrene i fjellet, når det er så deilig med ro og fred. (Foto: KVB)
1 av 3
– Eg forstår ikkje dei som spring med musikk på øyrene i fjellet, når det er så deilig med ro og fred. (Foto: KVB)
Når barnebarna er med så helser dei alltid på dette store treet. (Foto: KVB)
Finn-Erik Moberg på toppen av Liafjellet på det som var hans fjelltur nummer 100 til no i år. (Foto: Kjetil Vasby Bruarøy)

(Over: Sjå video frå Finn-Erik sin tur nummer 100, søndag 21. juni 2015. Foto/klipp: Kjetil Vasby Bruarøy)

– «Er det sånn det skal vera å nærma seg pensjonsalder», tenkte eg. Men så oppdaga dei at eg hadde hjarteflimmer, og at eg truleg har hatt det ei stund, fortel Finn-Erik Moberg.

«Omstart» på hjartet var ikkje til hjelp, så då blei det eit inngrep der nervene som uroa venstre hjarteklaff blei svidd av.

– I mars var eg på seksmånadars-kontroll, og beskjeden var som på dei andre undersøkingane, eg var heilt fin igjen. Nokre veker før hadde eg så vidt byrja å gå nokre fjellturar, og så blei eg invitert med i ei facebookgruppe som førte til auka aktivitet, fortel den spreke 66-åringen.

– Ville ikkje plaga heile verda med fjellturane mine

«100 turer te fjells i 2015 (utfording)», heiter gruppa, og blei starta av Morten Bjørke Thuen tidlegare i år.

– Eg har plan om å gå hundre turar sjølv, og for å halda orden på talet ville eg bruka facebook. Men samtidig ville eg ikkje plaga heile verda med kvar einaste tur eg tok, så då tenkte eg det var greit å laga ei gruppe, fortel Thuen.

Morten er ein kamerat av ein av sonane til Finn-Erik, og inviterte han med. Andre inviterte fekk med sprekingar frå eigen venegjeng, og gruppa tel no rundt 60 medlemmar.

– Det har ikkje vore nokre reglar for kva som har vore ein fjelltur. Katlaberget (102 moh) på Lekven er det enkelte som har ført opp, den er vel i grenseland, men er folk nøgd med å ha kome seg til ein topp så har dei kunna føra den opp.

– Det er kjekt å sjå at denne facebookgruppa har vore motiverande for mange, også for meg sjølv. Det har vore fleire som har vore ivrig, blant anna Kenneth Hausberg og Eirik Walle. Men Finn-Erik imponerer noko enormt, seier Morten Bjørke Thuen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.