Lokal | 25. okt. 2019

Frå onsdag har vi 3 ordførarar og 3 varaordførarar

Kvar skal dei sitja og kva skal dei gjera på?

Frå onsdag har vi 3 ordførarar og 3 varaordførarar
Frå onsdag har vi truleg desse seks personane i den øvste politiske leiinga i Os, Bjørnafjorden og Fusa. (Foto: Kjetil Vasby Bruarøy/Andris Hamre)
Kjetil Vasby Bruarøy
Kjetil Vasby Bruarøyfredag 25. okt. 2019 12:53

Tysdag var Os kommunestyre samla, truleg for siste gong.

Komande tysdag skal Bjørnafjorden kommunestyre konstituera seg, velja formannskap, ordførar, varaordførar og fleire utval.

Sånn blir konstitueringa
• Her er dei 35 medlemmane som blei valt inn - og som skal stilla

Fleirtalet etter valet, Ap (8), Sp (4), MDG (3), SV (1), KrF (1) og uavhengige Harald Lekven ligg med totalt 18 mandat mot Frp og Høgre sine 17 (12+5) an til å ta styringa.

Posisjonen stiller med Trine Lindborg (Ap) som ordførarkandidat og Mikal Leigland (Sp) som varaordførar.

Går det som venta på møtet tysdag står dei to kommunane, som skal bli éin, med tre ordførarar og tre varaordførarar frå onsdag og ut året. Terje Søviknes (Frp) og vara Marie Lunde Bruarøy (H) i Os, og Atle Kvåle (Ap) og Magne Djuvik (Frp) i Fusa, har verva sine fram til utgangen av 2019.

– Eg flyttar ut

Terje Søviknes, ordførar i Os dei siste 20 åra kommunen eksisterte, seier at første praktiske endring blir at han overlet kontoret sit til Trine Lindborg, om ho som venta blir den første ordføraren i Bjørnafjorden kommune.

– Eg blir sitjande på rådhuset ut året, men finn meg eit anna kontor. Det er viktigast at ordførar i Bjørnafjorden sit tett med rådmannen.

– I Fusa reknar eg med at Atle Kvåle held på det kontoret han har.

Førebudd på flying start

Trine Lindborg seier at ho, av respekt for demokratiet og konstitueringsmøtet tysdag, ikkje tar noko for gitt, men at ho naturlegvis har førebudd seg og firmaet ho jobbar for på ny rolle i ny kommune.

– Om alt går som venta, kva ventar deg dei første dagane i ny jobb?

– Det blir ein travel start for den som blir ordførar i ny kommune. Onsdag er ordførar invitert på kranselag i Os Aktiv, og på møte i Fusa, som har beredskapsveke.

– Fredag er det møte i koordineringsgruppa for forhandling om byvekstavtale, måndag er første forhandlingsmøte om byvekstavtalen - så er det rett i budsjettkonferanse for Bjørnafjorden kommune.

Trygg overgang frå to til ein

Det er ikkje berre ordførar i Bjørnafjorden kommune som har praktiske oppgåver frå onsdag, sjefane i Fusa og Os har òg nokre ansvarsoppgåver ut året.

– Blant anna innan beredskap, der Søviknes har ansvaret i Os og Kvåle i Fusa ut året. Om eg blir ordførar for Bjørnafjorden frå tysdag kveld, er alle oppgåver nye for meg. Det blir godt å ha desse to erfarne ordførarane i nærleiken, sjølv om vi òg har ein stødig administrasjon å støtta oss til.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.