Frå påske- til nyttårsfest

Etter å har vore vekke frå bygda i fleire år gjorde Vetrhus Bluesband «comeback» under laurdagens påskeblues på Peppes.

Bluesbandet frå Odda, blei nærast for husband å rekna under Osøren Blues & Jazzfestival.

– Forutan ein konsert på Er-An Veikro i 2014, og nokre private oppdrag, har vi ikkje vore i Os på seks år. Det kjennest ut som ein halv mannsalder, no gler vi oss veldig, sa vokalist Helge Tverdal til Midtsiden før returen til Os.

Vetrhus og Gunslingers

No er det klart at det ikkje går fire nye år før Vetrhus igjen står på ei scene i Os.

– Vi har booka dei til lille nyttårsaften på Nore Neset Aktivitetshus, saman med Gunslinger, fortel Tor Egil Hylland, sjef for Osfest.

– Vi skal ha ein artist til, så konseptet på Nore Neset blir som dei foregåande åra med tre artistar på scenen.

Lover eit helsikes liv

Vetrhus Bluesband som består av Helge Tverdal (vokal), Daniel J. Kambestad (munnspill), Kjell Arne Bauge (gitar), Kjetil Huus (bass) og Bjørn Moe (trommer) lovar ein konsert med eit helsikes liv på scenen.

– Dei spelar svingande blues og rock og har eit publikum dei blir elska av korhen dei reiser, så føler meg rimeleg trygg på at dei skal klare å halde det løftet, avsluttar Hylland.