Lokal | 21. aug. 2018

Framand art kom flytande til Strøno

Bøyerur, eller langhals, er ei delikatesse i fleire land.

Kjetil Vasby Bruarøy
Kjetil Vasby Bruarøytirsdag 21. aug. 2018 07:47

Bildeserie:

1 av 2

– Først la eg merke til ein kvit prikk som eg trudde var isopo, så såg eg at det var noko som hang fast i denne prikken, fortel Per Henrik Lunde Bruarøy.

Han tok tak i skapningen som låg og flaut utanfor brygga på Klammerskjeret utanfor Nordstrøno. Det viste seg at det var eit levande vesen.

Då han viste den til ungane, sa dei at dei hadde sett fleire av same sort.

Lager sin eigen flåte

Eit søk på nett viste at arten er funnen i Noreg før, men ikkje er vanleg i Noreg.

– Det er bøyerur (Dosima-fascicularis). Arten lager bøyen sjølv for å flyta med havstraumane, seier seniorrådgjevar i Verdens naturfond (WWF) Fredrik Myhre til NRK etter tilsvarande funn i Farsund i førre veke.

Arten skal vera den einaste som produserer sin eigen, gassfylte flåte i driva på. Eller rettare sagt; under.

Men den kan òg festa seg til andre ting enn si eiga boble.

Kom flytande med plastavfall

– Den ser ut som ein alien, sa Kenneth Bruvik til NRK i desember i fjor. Han hadde funne eit tilsvarande eksemplar utanfor Sotra mens han rydda plast.

Flytande avfall aukar sjansen for at arten kjem seg nordover til Noreg.

Då fortalde toksikolog Marte Haave, som utfører marine miljøundersøkingar for UNI Research i Bergen, at arten blir kalla langhals (Goose barnacle på engelsk), og er ein delikatesse i fleire land, men at den neppe vil klara å reprodusera seg i det kalde vatnet langs Norskekysten.

– Om det kjem mange av dei, og om klimaendringar fører til varmare vatn, kan den likevel klara å etablera seg. Det er uvisst om den kan truga andre artar som høyrer til her frå før, eller om det er fare for at den tar med seg smittsame sjukdomar.

• Les òg: Fekk to eksotiske fiskar i same garn

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.