Framleis på aggregat

Alle abonnentane skal ha straum, men framleis blir nokre av dei forsynt av aggregat.

Kjetil Vasby Bruarøytorsdag 10. feb. 2011 14:30

Etter straumbrotet i Os onsdag blei det rigga opp aggregat i Varåsen. Fleire abonnentar var likevel utan straum mesteparten av dagen og kvelden.

BKK hadde tekniske problem med aggregatet, som etter to timar i drift i 19.15-tida kopla ut.

- Vi fekk på igjen straumen i 22.30-tida i går kveld, etter det skal aggregatet ha fungert fint, seier Anne Mette Tuvin hos BKK.

Og bra er det, for alle feila på kablane i Gymnasvegen er framleis ikkje reparert.

- Men dei har funne dei andre feila, som er på nokre kablar på den andre sida av sentralen i Gymnasvegen, og held på å reparera desse no.

Kor lang tid det tar er førebels uvisst. Når straumen blir kopla over frå aggregat til nett igjen, anten det er i kveld eller i morgon, vil abonnentane som no er på aggregat få ein kort periode utan straum.