Fritid | 14. jan. 2025

Friluftslivets år: Laurdag blir det servering av mat frå bål

Fleire organisasjonar saman om arrangement i Mobergsvikjo under «Hele Norge båler».

Friluftslivets år: Laurdag blir det servering av mat frå bål
Margrethe Holmboe Askeland med 1. Os KFUK-KFUM-speidarar på frivilligfestival i 2022. Laurdag er dei tilbake i Mobergsvikjo. Foto: Kjetil Vasby Bruarøy / Midtsiden
Kjetil Vasby Bruarøy
Kjetil Vasby Bruarøytysdag 14. jan. 2025 12:37

«Friluftslivets år» blei første gong arrangert i 1993 av Norsk Friluftsliv (den gang FRIFO). Sidan har det blitt arrangert i 2005 og 2015 – og er tilbake i år.

Norsk Friluftsliv er prosjektleiar for Friluftslivets år 2025.

Klima- og miljødepartementet finansierar det, og har delt ut 25 millionar kroner til 25 landsdekkjande organisasjonar.

Målet? Auka deltakinga i friluftsliv, fremja berekraft og helse, og løfta fram frivillig arbeid. Fokus skal vera på nær-natur, nye friluftsaktivitetar og brei deltaking.

2022 var frivillig arbeid sitt år, og kommunen organiserte Frivilligfestivalen i Oseana og Mobergsvikjo.

«Friluftslivets år» startar med den nasjonale aktiviteten Hele Norge båler laurdag 18. januar.

– Det blir 180 arrangement over heile Norge og er venta til saman 40.000 deltakarar, skriv Den Norske Turistforening (DNT).

12 av dei er i Bergen og Hordaland Turlag, minst to av dei er i Os.

Tur og bålkos

Os Turlag har Kom deg ut-dagen og opning av Fantasiløypa på Liafjellet laurdag.

Meir om denne:

Same dag, omtrent til same tid, har fleire organisasjonar gått saman om arrangement i Mobergsvikjo. Blant desse er kommunen ved BUA, Bergen og Omland Friluftsråd (BOF), Os Rotary Klubb, 4H og 1. Os KFUK-KFUM-speidarane.

Frå klokka 11 til 14 blir det ulike aktivitetar. Og bål.

– Bålbrenning, bålkos og mat på bål er viktig del av det å bruka naturen og å kosa seg ute, seier Margrethe Holmboe Askeland frå 1. Os KFUK-KFUM-speidarane.

– Ta med heile famlilien til Vikjo laurdag. Vi byr på smaksprøvar av ulik mat laga på bål, men ta gjerne med eigen mat utanom. Og din eigen kopp.

– Kanskje får du tips til nye aktivitetar til bruk i nærnaturen, eller du blir betre kjent med ein friluftsorganisasjon.

Deltakarane blir oppmoda å kle seg etter vêret. Vinteridyllen vi hadde førre laurdag er i ferd med å regna vekk, men det er meldt opphaldsvêr og 7 varmegradar i Os til komande laurdag.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.