Frode på tomgang til Las Vegas som beste europear

Veim Haugland vann over alle med venstre og høgre arm i Manchester.

Frode Veim Haugland har det travelt og trener mindre enn før. Men Noregs mest suverene handbak-kjempe gjorde reint bord i England. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 29. mars 2016 16:31

Bildeserie:

F.v.: Frode, Tore og Ronny i Manchester. (Privat foto)
1 av 1
F.v.: Frode, Tore og Ronny i Manchester. (Privat foto)

Dei neste vekene er det «super qualifier»-konkurransar i dei fleste amerikanske statane. Kvalifiseringa i Europa, til World Armwrestling League (WAL) blei gjort i palmehelga.

Frode Veim Haugland, som har vore senior noregsmeister kvart år sidan han var 20 år, bortsett frå dei få åra han ikkje har deltatt i NM, hadde ingen problem med å kvalifisera seg til den europeiske super qualifier-konkurransen i britiske Manchester.

Med seg frå Noreg hadde han klubbkameratane Tore Matre og Ronny Bruarøy Risøen.

– 23 deltakarar frå ei rekkje land i Europa blei delt i to puljer. Dei to beste i kvar pulje kom vidare. Tore og Ronny var nær på, men landa på 3. og 4. plass, fortel Frode.

Sjølv har han trent lite det siste året og var spent på formen.

– Eg held på å bygga hus og trener berre éin gong i veka. Kvelden før avreise jobba eg til 21 om kvelden, sjølv om eg hadde plan om å ta det roleg, så eg var spent på formen.

Rangert som nummer 1

Det viste seg å ikkje vera noko i vegen med formen til Frode.

I innleiande rundar fekk han walkover i første kamp og vann alle dei fire neste.

Dermed vann han pulja og var ein av dei fire finalistane.

– Eg var ekstra spent då eg skulle bryta mot svenske Niklas Nannestad, vi har vore jamne før.

Men også der blei det siger og Frode tok 1. plass med både venstre og høgre arm.

Kjempar om 20.000 dollar i Las Vegas

Tre av dei fire som gjekk til semifinalar er kvalifisert til den store WAL-finalen i Las Vegas i juni.

– Vi får ikkje dekka reisa, men alle som er kvalifisert til finalen er garantert pengepremie. Vinnaren får 20.000 dollar.

Frode deltar i 88 kg-klassen, ein av fire klassar (inndelt etter pund/lb).

Mister NM - reiser kanskje til Köln

Årets NM blir arrangert i Jølster nest siste helga i april. Den går Frode glipp av.

– Eg er på jobb i Nordsjøen den helga. 9. og 10. april er det Arm Wars i Tyskland, men det er så travelt med husbygging at det er ikkje sikkert eg er med der heller.

– Men til Las Vegas skal eg! seier Frode nøgd.

Midtsiden følgjer: Handbak

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.