Fruktig torsdagsklubb

Bildeserie:

1 av 3

Torsdag fekk deltakarane på torsdagsklubben, eit av kommunen sine fritidstilbod til mennskje med utviklingshemming, eit litt annerleis og spennande besøk når kokk og matkunstnar Diab Bardeneh kom på vitjing.

– Eg leste om Diab i BA tidlegare i sommar då eg skulle planlegga haustens program for torsdagklubben. Eg blei så fasinert at eg måtte ta ein telefon til han og høra om han var interessert i å ta turen frå Bergen til Os for å visa fram kunstene, fortel Bente Borghild Hauge, fritidsleiar for utviklingshemma i Os kommune.

Bilar, fly og fuglar av frukt

Israeleren frå Nasareth tente umiddelbart på ideen.

– Han var i fyr og flamme, og sa ja med ein einaste gong.

– Det blei ein ekstra kjekk kveld for dei omlag 50 frammøtte. Diab laga både bilar, fly, fulgar og musikkinstrument av ulike typer frukt og grønt. Alt var sjølvsagt spiseleg og det var fleire som fekk med seg kunstverka heim, fortel Hauge.

Fem om dagen

Det blei ikkje berre frukt på deltakarane i torsdagsklubben.

– Det blei litt i overkant å skulle laga kunstferdig frukt til alle, så vi supplerte med fiskeburgarar med spennande grønsaker og snakka litt om kor viktig det er få i seg fem om dagen med tanke på å få i seg nok vitaminer og å helda seg frisk og rask.

– Eg har inntrykk av at det fell i god jord, avsluttar Bente Borghild Hauge.