Søviknes var på veg i møte på rådhuset då han måtte rygga for nok ein fastkøyrd trailer. Så hamna han i grøfta. (Lesarbilde, tips@midtsiden.no)

Frustrert ordførar hamna i grøfta

– Eg hamna bak ein av desse trailerane som køyrer seg fast i Søvikåsen, og blei nok litt for travel då eg skulle rygga meg opp igjen, seier Søviknes.

image
Av: Kjetil Vasby Bruarøy

Etter utforkøyring på vinterføre i Åsen to dagar på rad, var det i kveld betre føre. Men det hjelper lite om du køyrer lang bil på smal og svingete veg i same nabolag.

– Eg kom dessverre bak ein av desse håplause trailerane som prøver seg over Søvikåsen, men som køyrer seg fast. Då eg skulle rygga opp igjen kom eg utfor kanten med bakhjulet og glei ut i grøfta, fortel ordførar Terje Søviknes.

Han var travel og skulle rekka eit møte i rådhuset. Midtsiden fekk først tips om uhell og fastkøyrd trailer i 20-tida, og varsla om dette via Facebook.

– Eg hadde hastverk og var nok litt frustert og uforsiktig då eg rygga. Det er godt med gode sambygdingar. Ketil Halhjem kom og hjelpte meg, og bilen er utan synlege skader.

– Er du ein som bulker av og til?

– Nei, eg har køyrd skadefritt til no, seier Terje, etter nesten 32 år bak rattet.

Skilta med forbod

Det er åtte sidan Søviknes sjølv opna den kommunale vegen over Søvikåsen med nytt namn; Ole Bulls veg.

Vegen er skilta med forbod mot lastebil og aksellast på over 3 tonn.

Eit vitne fortel at det var 20-30 bilar i kø på den eine sida etter at dagens trailer, med polske skilt, køyrde seg fast.

Traileren måtte rygga opp igjen frå svingen og heilt ned til Lysefjorden for å snu og køyra om Lyseklostervegen.

Fleire saker