Lokal | 28. feb. 2012
Fryktar fleire ras
Delar av Bir i Kolskogen er sperra av etter jordras ned mot E39 i natt.
Kjetil Vasby Bruarøytysdag 28. feb. 2012 13:01
I 3.30-tida natt til tysdag fekk politiet melding om jordras ved E39.
Eit stort stykke av skråninga på utsida av Bir sin stasjon i Kolskogen har lausna og rast ned mot vegen mellom Svegatjørn og Ulvenvatnet.
Vegtrafikksentralen blei varsla og kom til Svegatjørn for å sjekka staden.
– Vi har hatt vegvesenet på plassen her i dag og ventar no på geolog, seier Torbjørn Lepsøy hos Bir.
Bir har sperra av delar av plassen som grensar mot staden raset gjekk.
– Grunnen bør sjekkast skikkeleg. Sånn det ser ut no fryktar vi at det kan gå fleire ras, seier Lepsøy.