Det var full fres på Stilvoll heile helga (foto: Kari Marie Lyssand)

Full fotballfest på Søfteland

Bildeserie: Med fint vêr og ivrige spelarar blei STIL-cup igjen ein god start på sesongen for dei yngste spelarane.

image
image
image
image
image
image
image
image
image
image
image
Av: Andris Hamre

Søfteland Turn og Idrettslag har gjort det til ein tradisjon å invitera lag frå naboklubbane til fotballturnering før sesongen startar.

– Det skal vera ein veldig laid-back cup, kor det handlar om gode fotballopplevingar, meir enn resultat og ambisjonar, fortel Kjetil Laasby, ein av arrangørane.

Nær førti lag

Nær førti lag deltok på cupen, som var det åttande i rekka.

– Laurdag var det dei eldste spelarane som spelar på 7-arbaner som var i sving frå 12 til 15. Søndag var det dei yngste sin tur. Då hadde vi fire 5-arbaner i bruk samstundes frå klokka ni til nitten. Rett nok la vi om til 7-er på slutten slik at jentene fødd i 2005 og 2006 skulle få prøva seg på litt større bane.

God stemning

Cupen er ein invitasjonscup for lag frå 6 til 12 år.

– For oss handlar det om å invitera med oss lokale lag, som vi òg møter i serien, for å få ein mjuk og fin start på sesongen.

– Vêret blei bra og det heile gjekk veldig greitt. Det var kjekke laglederar og trenarar på alle lag, oppsummerar Laasby med eit smil.

Fleire saker