Full guff på golfbanen

Os Turlag samla over 350 små og store osingar og tilreisande til skirenn på golfbanen i dag.

Kjetil Vasby Bruarøy
Kjetil Vasby Bruarøysøndag 10. jan. 2010 14:04

Bildeserie:

1 av 10

- Vi har aldri arrangert skirenn før, men med den vinteren vi har no dukka naturlegvis ideen opp, fortel Linda Lohne frå Os Turlag.

Bjørnefjorden Golfklubb sa ja til å låne vekk banen på strak arm.

- Fleirbruk er heilt i tråd med våre vedtekter. Grunneigar Samson Bjørke, som dessverre reiste til Spania i går, var sjølv krinsmeister fleire gongar på 50-talet.

- Eg har faktisk spurt Os kommune om dei har løypemaskin fleire gongar, no var det kjekt at turlaget klarte å ordna dette, seier dagleg leiar ved Bjørnefjorden Golfklubb, Erik Just Olsen.

Turlaget fekk låna løypemaskin frå Hålandsdalen skilag og snøskuter av ein osing (!).

- Gunnar (Gunnar Hatlelid, mannen til Linda) kjørte løyper heile torsdagen. Også utanom skirennet i dag er løypene opne, seier Lohne.

På banen er det tre løyper, ei rundt 100 meter lang sløyfe for dei yngste, ein bane rundt treningsfeltet og ei rundt heile banen. Vaksne brukar rundt 15 minutt på den lengste.

Skirennet var utan tidtaking, men med fleire formar for leik, blant anna snopeløype, ei kort utforløype med snop i, som ungane kunne plukka opp.

Sundag om ei veke arrangerer Os Turn skirenn på Ulven, då med tidtaking og premiar til dei raskaste.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.