Full swing i Fjellheim

Bildeserie:

1 av 6

Laurdag kveld blei jula rocka inn i Fjellheim. Måndag var det selt rett over 100 billettar og i vekedagane før konserten hadde yttarlegare 50 sikra seg plass i Fjellheim. Heldigvis, for det var ikkje så mange som dukka opp for å betala seg inn i døra.

- Det var nok ein del som heldt seg inne på det dårlege føret, men utover kvelden blei det nesten fullt, med knappe 200 betalande gjestar blei det eit godt arrangement, seier Fredrik Wagner Larsen frå Peppes Pizza.

(retta versjon, vi skreiv først 160, men det kom fleire utover kvelden etter at Midtsiden fekk det talet)

Rock, blues og julesongar
Red Hot Cherry Poppers plar samla godt med folk også når dei held konsert åleine. Tor Espen Skoglund (vokal), Bjørn Stian Bjoarvik (gitar), Olav Skorpen (bass) og Bjørn "Bønni" Moberg (trommer) er stødige og samstemte, og hadde ei setliste som serverte mange av låtane vi hadde håpa å høyre dei 40 minuttane oppvarminga heldt på.

Med full guff frå start fekk dei fart i publikum. Om ikkje meir enn 15-20 sto og digga på dansegolvet, sat det dobbelt så mange å trampa takta ved borda som var plasserte ut bak i lokalet og på den eine sida.

Snev av julestemning serverte dei også, Olav Skorpen er som Flea i originalbandet glad i å kle seg ut, og stilte i går i julenissedrakt.

Men då ORBO kom på scenen blei det meir av både julestemning og liv på dansgolvet. Folk samla seg ved scenen frå første låt. Heller ikkje til Tom Petty si julelåt "Christmas all over again" og bandets eigne rolege duett "Masquerade" gjekk folk å sette seg.

God stemning
Peppes var ansvarleg for både billettsal og servering, og er svært nøgd med arrangementet.

- Stemninga var på topp frå vi opna dørene til vi stengte, og det var ingen tilfelle av bråk. Det var tydeleg at sjølv om det var både unge og vaksne i salen, så var det folk som kom fordi dei liker musikken og for å få seg ein god fest med venar og kjente, seier arrangøren.

Artikkelen blir måndag oppdatert med ein filmsnutt frå konserten.