Fullt torg for Hans Bjørn

Bildeserie:

1 av 8

Tidlegare i sommar fortalte Gunnar Nagell Dahl og fleire venar av Hans Bjørn Bakketeig at dei ville laga eit arrangement til inntekt for organisasjonen Bakketeig har vore sentral for i nesten 20 år, Hjelp Moldova.

• Les òg: MC-gjengen stiller opp for Bakketeig

I skrivande stund har Johny Olsen Band spelt første sett, fungerande ordførar Laila Reiertsen har gjeve ein sjekk på over 20.000 kroner (1 krone per innbyggar i Os) og Torstein Hatlevik er godt i gang som auksjonarius, der han får bodgjevarar og andre til å gapskratta.

– Éin ting er sjølve aksjonen, ein annan ting er å ha så gode venar, som lager eit arrangement som dette, og å oppleva sånn støtte i heimbygda, sa Hans Bjørn etter å ha mottatt sjekken.

Stempla som funksjonshemma

– Eg kunne ha snakka i mange timar om Moldova, men eg skal ta det kort, sa Bakketeig:

I 2001 blei optikeren frå Os invitert av Hjelp Moldova til å sjå ein blindeskule i det fattige landet. På skulen var det 150 elevar.

– Halvparten av dei skulle gått på vanleg skule, men her sat dei, stempla som funksjonshemma i Europas fattigaste land, på grunn av noko som ein liten korreksjon kunne ordna, som -3 på eine auget.

Mange inntektskjelder på heimebane

Hjelp Moldova er inne i siste år med støtte frå UD. Samtidig er det tre år til optiker-studentane dei utdanner er ferdige.

I dag tener organisasjonen pengar på sal av mat, auksjon av donerte varer, sal av brukte varer, på tldeling av 10 prosent av omsetnaden til restauranten Havnechefen - og på at folk gir pengar i bøttene Johny Olsen har sett fram (ei grøn til dei som liker musikken, ei raud til dei som ikkje liker den).

Maten som blir selt (for valfri pris frå 50 kroner og opp) er laga av Gunnar Nagell Dahl, av råvarer sponsa av Haaheim Gard på Tysnes.

– Det er røykelaks frå Tysnes, byggryn med rotgrønsaker, kokt i kraft og eplejuice, og sylta raudløk, fortel nagell Dahl.

Midtsiden kjem tilbake med total innsamla sum.