Fylket deler ut pengar til trafikktryggleik
Fleire skular får støtte til aktivitetar og sykkelskule.
Mange skular og kommunar søker om tilskot til gjennomføring av sykkelskule-kurs i regi av Norges Cykleforbund (NCF).
Mange skular ønsker å gjennomføre ulike trafikktryggingsarrangement, i tillegg er det mange lokale og frivillige organisasjonar som har søkt om pengar til ulike arrangement som refleksvestaksjon og trafikktryggingsdagen.
Vestland fylkeskommune fortel i dag at 2,5 millionar kroner blir delt ut til sykkelkurs og trafikktryggingsaktivitetar første halvår i 2025.
To gongar i året deler fylkeskommunen ut pengar til trafikktrygginsaktivitetar. Ordninga skal bidra til at fleire trafikantar har ei trafikksikker åtferd.
I alt får 80 søkarar til saman 2.540.500 millionar kroner.
På lista over alle som har fått pengar første halvår i 2025 finn vi fleire frå Bjørnafjorden kommune:
Tildeling til sykkelskulen
- Halhjem 21.000
- Søfteland 14.000
- Lysekloster 28.000
- Nore Neset 14.000
- Lunde 28.000
- Fusa 7000
- Os 14 000
Tildeling til andre aktivitetar
- Nore Neset, «aktiv skuleveg» 5000
- Bjørnafjorden kommune, trafikktryggleik i ungdomsmiljø 40.000
