Lokal | 13. mai 2020

Fyller dammen i dag

Kyrkjeflaten har fått vasspegelen sin tilbake.

Fyller dammen i dag
Kyrkjeflaten i dag - nesten ferdigfylt dam etter reparasjon av både inntak og avlaup. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 13. mai 2020 07:48

Den runde dammen på Kyrkjeflaten har stått tørr i rundt fem år.

I førre veke blei den reparert, i dag blir den fylt igjen.

– Det vil gå halvannan time, seier Knut Geelmuyden frå grøntavdelinga i Bjørnafjorden kommune.

Dammen tar ganske beint 5000 liter.

– Eg hadde tenkt å rekna på det, men det slapp eg. Då brannvesenet fylte dammen for oss før reparasjon, for testing, viste målaren kva mengde som gjekk med.

Dammen i 8.30-tida i dag. (Foto: KVB)
Dammen i 8.30-tida i dag. (Foto: KVB)

Lykkeønske

Saman med kollegaen, rørleggar Idar Henriksen, har han fått reparert inntak og avlaup.

Avlaupet hadde innsnevring, og meir alvorleg var det at inntaket mangla tilkbakeslagsventil. No er begge delar på plass.

– Då eg skifta avlaupet fann eg nokre spor etter lykkeønske, fortel Idar.

Han fann tre kronestykke under rørsystemet.

– Hadde det vore i Sør-Europa så hadde du nok hatt lommene fulle, seier Knut og ler.

Idar Henriksen og Knut Geelmyuden fekk med seg starten på vassfyllinga før dei måtte vidare på nye oppdrag. (Foto: KVB)
Idar Henriksen og Knut Geelmyuden fekk med seg starten på vassfyllinga før dei måtte vidare på nye oppdrag. (Foto: KVB)

Klar for fleire sesongar

Kyrkjeflaten, som normalt rommar tett med folk 17. mai, blir truleg ein fredeleg plass grunnlovsdagen søndag. Vasspegelen er uansett rusta for å pryda den vesle parken i fleire år. Kanskje kan det òg koma fontene i den med tida.

– Då parken blei bygd var det i utgangspunktet ikkje pengar til dam, men så blei det rom for å bygga den likevel. Då blei det litt hastejobb, ikkje med utforminga, men med det tekniske. No er alt på stell og dammen kan fungera lenge, seier Knut.

Normalt blir den fylt om våren og tappa ned før vinteren.

Les òg: Fotoutstilling: Tre år ved dammen

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.