Osmeisterskapen i dødsing 2012

Galskap i Osbadet!

VIDEO: Sjå 2,5 minutt med dødsing i Osbadet. Vinnaren er kvalifisert til finaledagen i VM i dødsing 2013.

Av: Kjetil Vasby Bruarøy

VIDEO (02:26): Sjå dei seks deltakarane konkurrera i dødsing i Osbadet søndag. (Foto: Thomas Bøthun. Klipp: Kjetil Vasby Bruarøy)

Skientusiast Arne Veim Haugland sto i spissen for arrangementet Osmeisterskapen i dødsing i Osbadet søndag, og stakk sjølv av med sigeren.

– Vi kunne hatt både fleire deltakarar og større publikum, men vi som var der hadde det knallgøy, synes Arne.

Fire påmeldte deltakarar meldte forfall søndag, seks deltakarar, fire frå Os, ein frå Volda og ein frå Bergen, stilte opp.

Deltakarar: Andreas Olsen, Arne Veim Haugland, Ole-Espen Aldal (Bergen), Tor Lande (Volda) og motocross-brørne Marco og Stian Matre.

Juryen besto av éin frå Bula/Skigutane, som sponsa med premiar, éin kollega av Arne frå DNB og éin lagkamerat av Arne på handballaget Viking.

– Juryen dømte etter skjønn, men hadde visse kriterier å gå etter, som høgde, fart og kontroll i hoppet.

To av dei fire, Arne og Ole-Espen, gjekk til finale.

Der gjennomførte dei to fristilhopp og eitt klassisk dødsing-stup.

Arne blei ropt opp til vinnar og er med det kvalifisert direkte til finaledagen i VM i dødsing i Frognerbadet sommaren 2013. 30 deltakarar skal stupa denne finaledagen.

– Kvir du deg til å dobla frå 5 til 10 meter høgde på stupebrettet?

– Nei! Det gler eg meg til, påstår Veim Haugland.

Fleire saker