Gangbru ved kloster-ruinane tatt av flaum

Bildeserie:

1 av 2

Dei store nedbørsmengdene i helga har ført til uvanleg høg bekk forbi Lysekloster-ruinane.

Vassmengdene har ikkje berre rive gangbrua frå ruinane til stien mot Lyshorn, brua segla over 250 meter nedover i bekken.

– Brua er gamal, men blei pussa opp i sommar. Den har blitt prega av vassmengder tidlegare, men så vidt eg kjenner til har den aldri blitt løfta opp og vaska vekk på denne måten før, seier Christa von Erpecom.

Grunneigar er i dialog med Os kommune om å få ny gangveg på plass i det populære turområdet.

– Det vil nok uansett ta litt tid, og i mellomtida er turgåarar velkomne til å gå via hovudgården til løypenettet. Med mindre dei vil hoppa frå stein til stein i bekken, seier Christa.

Sjå vedlagt kart med markert turveg frå parkeringsplassen ved ruinane og inn til turstiane.