Korona | 17. apr. 2021

Går du rundt med lette symptom og smittar andre?

– Vi ser dessverre fleire eksempel på dette.

Går du rundt med lette symptom og smittar andre?
Kommuneoverlege Klaus Melf. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 17. apr. 2021 07:40

I går kom ei lette i smitteverntiltaka, og i Os sentrum var det folksamt i gatene og på uterestaurantane.

Vi har hatt 12 smittetilfelle dei første 15 dagane i april, og 7 av desse er smitta i utlandet eller i ein annan kommune. Nokre av dei andre 5 er smitta av ein av desse, 2 av 12 har ukjent smitteveg.

Trass nesten ingen intern smitte i Bjørnafjorden kommune, er det noko som uroar kommuneoverlege Klaus Melf.

– Vi ser dessverre fleire eksempel på personar som går rundt med symptom i lengre tid, men som let vera å testa seg fordi dei tenkjer at det er usannsynleg at dei er smitta. Når dei til slutt får påvist smitte, har dei gjerne svært mange nærkontaktar.

Kommunen driv no smittesporing både på Apotek 1 på AMFI Os og på Spar og Bunnpris på Fusa-sida.

Fleire er utan symptom

I tillegg til dei som går lenge med lette symptom utan å testa seg har vi dei asymptomatiske: personar som er smitta, men som ikkje har tydelege symptom.

– Dei kan likevel smitta andre. Når smittevegen er ukjend, er det ofte asymptomatiske personar som er smittekjelda, fortel kommuneoverlegen.

– For å seie det enkelt: Det er ikkje mogleg å vite sikkert om nokon kan smitte deg eller ikkje. Difor skal du halde avstand til alle som du ikkje bur saman med.

«Vill-smitte»

Kommunen ber deg vera flink til å halda avstand på butikken, i køen, i idrettshallen og på restauranten - inkludert på uteserveringa.

Han gjentar statsminister Erna Solberg sin hovudbodskap frå pressekonferansen tysdag; last ned Smittestopp-appen.

– Vi veit at det er skjult smitte ute blant innbyggarane. Dess fleire som brukar Smittestopp-appen når dei er ute blant folk, dess enklare vil det vera å fanga opp og stoppa eventuell «vill-smitte».

Om du testar positivt for covid-19 vil Smittestopp-appen senda anonym melding til alle du har vore i nærleiken av - og tilsvarande; har du vore i nærleiken av ein som seinare testar positivt, så får du beskjed.

Les meir om Smittestopp-appen på FHI.no og sjå videoen i ruta under:

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.