Til no i år har lag og organisasjonar frå Os kommune tent til saman 685.470 kroner i Grasrotmidlar. Berre tre kommunar i Hordaland (Bergen, Askøy og Kvinnherad) har fleire gjevarar, spelarar som har registrert mottakar av Grasrotmidlar, enn Os.
Men potensialet er større, også i Os, berre 2392 av 6241 spelarar, altså 38,5 prosent av dei som tippar, har funne nokon dei vil gje Grasrotandel til.
SJÅ LISTE OG TOPP 5-LISTER NEDST I ARTIKKELEN
- Fem prosent av det spelarane spelar for går til Grasrot-mottakar, når denne er registrert, utan at det kostar noko. Det er framleis eit stort potensiale for lag og organisasjonar, fleire hundre millionar kroner blir no liggande på «kistebotnen», skriv Norsk Tipping i ei pressemelding.
I Os er det nesten 4000 spelarar som ikkje har registrert seg. Desse sit med nøkkelen til denne kista, og kan vera med på å dobla den drygt 1 million kroner store årlege potten som blir delt på lag i Os.
Veteran fekk fart i rockeklubben
For at du skal kunna støtta eit lag må dette ha registrert seg i Brønnøysund. Os Rockeklubb er blant dei laga i Os som somla lengst med dette.
- Eg hadde ikkje registrert nokon som skulle få mine grasrotmidlar før eg ved årsskiftet fekk veta at heile 2009 kunne tilbakeførast og registrerast. Eg ville støtta Os Rockeklubb, men dei var ikkje registrert, fortel Arve Rød.
Arve er far til Torkjell Rød i Audrey Horne, har tidlegare spelt i blant anna Hyggjegutane og er no aktiv i Jonny Olsen Band.
- Musikk er viktig for meg og rockeklubben gjer ein fin innsats for unge musikarar. Dessutan driv dei med eldreomsorg, seier Arve og ler. Han siktar til dei vaksne medlemmane i Young Collection, som Midtsiden.no i sommar skreiv ein sak om.
400 kroner på kort tid
Rockeklubben fekk nytt styre i vår og fekk då tatt tak i dette med registreringa. I juni i år fekk Rød registrert sitt første spel med Os Rockeklubb som grasrotmottakar.
Rød er ein av 8 spelarar som gjev grasrotandelen sin til Os Rockeklubb, og desse 8 har til saman skaffa klubben 409 kroner i inntekter fram til no.
- Vi har berre inntekter på medlemmar, støttemedlemmar og sal av litt effektar. Når vi får litt fleire spelarar på lista vår kan nok Grasrotandelen gje ei fin inntekt som kan gå til utstyr i klubben, seier styremedlem Lars Ole Lunde.
Topp 5 - inntekt til no i år
1. Os Turnforening: 192.157 kroner
2. Nore Neset Idrettslag: 56.663 kroner
3. Lysekloster Idrettslag: 53.668 kroner
4. Os Røde Kors: 52.515 kroner
5. I.L. Øyglimt: 46.748 kroner
Topp 5 - tal på spelarar
1. Os Turnforening: 425
2. Søfteland Turn & Idrettslag: 206
3. Nore Neset Idrettslag: 202
4. I.L. Øyglimt: 191
5. Lysekloster Idrettslag: 150
5. Os Røde Kors: 150
Topp 5 - snittbidrag per spelar
1. Nore Neset Skulekorps: 850 kroner
2. Os Mållag: 585 kroner
3. Os Kobudokan Karateklubb: 460 kroner
4. Os Turnforening: 452 kroner
5. Os Aeroklubb: 386 kroner
Heile lista for Os - til no i år (rangert etter inntekt)
Namn: Gjevarar: Bidrag: Snitt per gjevar: Os Turnforening 425 192 157 452,13 Nore Neset idrettslag 202 56 663 280,51 Lysekloster idrettslag 150 53 668 357,79 Os Røde Kors 150 52 515 350,10 I.L. Øyglimt 191 46 748 244,75 Søfteland Turn & Idrettslag 206 44 588 216,45 Søre Neset Idrettslag 117 36 519 312,13 LHL Os 74 22 610 305,54 Bjørnefjorden Golfklubb 69 21 802 315,97 Jadakameratene IL 42 13 618 324,23 Os Revmatikerlag 40 8 796 219,89 Nore Neset Skulekorps 10 8 505 850,54 Os Skyttarlag 40 8 378 209,45 Os Kobudokan Karateklubb 18 8 294 460,75 Os Aero Klubb 21 8 111 386,25 Lysefjorden Ungdomslag 42 7 510 178,80 Ungdomslaget Havglimt 44 7 366 167,41 Os og Kuventræ Skulekorps 42 7 151 170,27 Os Vocalis 18 6 314 350,78 Os Pensjonistforening 29 6 095 210,17 Lysekloster Sanitetsforening 26 5 585 214,83 Os Musikkforening 36 5 578 154,93 Os MC & MX Klubb 38 5 156 135,69 Os Svømmeklubb 13 4 501 346,25 Vestlandets Fuglehundklubb 26 3 762 144,69 Rock N' LOL 34 3 321 97,67 Lysekoret 27 3 063 113,43 Os Roklubb 18 2 923 162,40 Os Blandakor 21 2 920 139,07 Os Basketballklubb 11 2 912 264,74 Lysefjorden Ride og Kjøreklubb 21 2 782 132,46 Cykle-klubben Henie 12 2 553 212,74 Moldegaard Ryttersportsklubb 20 2 550 127,51 Søre Neset Sanitetsforening 13 2 528 194,46 Vildmarken Golfklubb 13 2 066 158,90 Os Swingklubb 25 2 047 81,90 Nore Neset Mannskor 17 1 973 116,06 Hegglandsdalen Idrettslag 9 1 930 214,42 Os Rotary Klubb 8 1 845 230,65 Nore Neset Sanitetsforening 12 1 691 140,92 Lyshornet Brass 15 1 371 91,40 Os Mannskor 13 877 67,46 Os Småfiskarlag 4 875 218,75 Os Sanitetsforening 6 854 142,31 Os Mållag 1 583 582,89 Midthordaland Fjordhestlag 3 583 194,25 Os Rockeklubb 8 409 51,13 The Bergen Pipe Band 2 350 174,75 Os Kolskogen Speidergruppe 5 269 53,70 Lysøens Venner 2 145 72,70 Os Spelemannslag 2 54 27 Os Bridgeklubb 1 6 6,4