Garmin-tenester ute av drift etter mogleg angrep

Garmin, som blant anna produserer elektronikk til fly og båtar, har problem med synkronisering av data til smartklokkene sine via Garmin Connect.

Garmin sjølv er knapp med informasjon.

«Vi har tekniske problemer for øyeblikket og dette medfører at vi ikke kan besvare telefon, e-post og chat. Dette inkluderer også problemer med innlogging på Garmin Connect og oppdateringer i Garmin Express. Beklager de problemer dette måtte medføre, skreiv Garmin Nordic Norge på eiga Facebook-side torsdag.

Fredag var det fleire turgåarar og mosjonistar som ikkje fekk registrert dagens økt.

Fleire internasjonale media, som zdnet.com, melder at årsaka skal vera eit angrep på Garmin. Andre fortel at det er snakk om eit løsepengevirus.

Norske Tek.no omtalte òg saka i går, og nemner ein omveg til å få ut som gjer det mogleg å henta ut sporingsdata frå Garmin-klokka og mata desse inn i andre tenester, for eksempel Strava.