Politikk | 15. des. 2023

Gav ros og samtykke

Gir pengestøtte til søndagens solidaritetskonsert.

Gav ros og samtykke
Trine Lindborg i gårsdagens kommunestyremøte. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 15. des. 2023 10:47

I gårssdagens møte i kommunestyret var det ikkje berre budsjett som var oppe til debatt.

Innsamlingsaksjonar har tradisjon for å invitera kommunen til bidra. Det gjeld og aksjonane i samband med dei årelege solidaritetskonsertane Os Kulturutvikling, Solbakkestova og Os kyrkje arrangerer saman.

Årets utgåve blir spelt (fri entré) i Os kyrkje førstkomande søndag.

Ordførar hadde sjølv laga innstilling i saka, med forslag om å støtta aksjonen, som også denne gang går til inntekt for Flyktninghjelpen, med 10.000 kroner frå formannskapet sitt disposisjonsfond.

– Eg har ordførar sin konto eg kunne gitt desse midlane frå, og det er gjerne litt spesielt at kommunestyret i dag får dela ut formannskapet sine pengar, sa Søviknes.

Varaordførar Marie Lunde Bruarøy har takka ja til å erstatta Karl Ole Midtbø som konferansier, og var første til å ta ordet.

– Eg vil berre nemna det, i tilfelle nokon skulle sjå på meg som inhabil til å behandla saka, men vil informera om det er heilt utan «benefits», sa Bruarøy.

Trine Lindborg (Ap) var neste og siste som tok ordet.

– Det er uaktuelt for Ap å stilla habilitetsspørsmål i denne saka, og eg vil takka varaordførar for at ho stiller som konferansier på denne viktige konserten, sa Lindborg.

Eit samrøystes kommunestyre sa ja til å støtta aksjonen med 10.000 kroner frå formannskapet sitt disposisjonsfond.

Årets artistar:

  • Mighty Magnolias
  • Eirik Søfteland
  • Anna Neset
  • Tetiana Sorochan
  • RES (Erik Rolland, Øystein Engevik og Gunnar Engevik)
  • Victoria Bakka
  • Leif Østrem
  • Solomiya og Nazar Romanyshyn
  • Michael Clemente Lekven
  • Jan Haaland

Konferansier: Varaordførar Marie Lunde Bruarøy
Lyd: Arthur Håkon Botnevik
Rigg og lyd: Nils Midtseter

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.