Gjekk med tapetkniv - fekk 9.600 kroner i bot

Ein mann i 30-åra frå Os blei fredag dømt til å betala ei bot på 9.600 kroner for å ha bore kniv på offentleg plass.

Det var i 22.30-tida på kvelden laurdag 15. desember at han blei tatt med to knivar på seg i venterommet på Os terminal.

Den eine hadde han på innerlomma, den andre i ein sekk.

Tiltalte møtte ikkje i retten, men i tidlegare avhøyr forklarte han hadde knivane med seg «for å rissa i ting». Retten såg ikkje på dette som aktverdig formål.

Han sa vidare at han at han trudde knivane var lovlege, sidan dei hadde så kort blad. Begge knivane er tapetknivar, den på lomma hadde 4,5 cm blad uttrekt.

Tiltalte er tre gongar tidlegare dømt for å bera kniv på offentleg stad.

Fjerde gong tilseier i utgangspunktet fengselsstraff, men mannen slapp unna med 9.600 kroner i bot og 2000 kroner i sakskostnadar.