Gjorde skade på Strønebrua
Éin mann køyrde mc i cannabisrus, ein annan køyrde bil i rekkverket på Strønebrua.
Opplysingar i ei sak førte i går til at politiet køyrde til eit nabolag på Nore Neset for å gjennomføra ei ransaking.
På staden viste det seg at vedkomande, ein mann i slutten av 40-åra, nyleg hadde køyrd motorsykkel.
– Han framsto som rusa og innrømte bruk av marihuana. Under ransakinga blei det i tillegg funne hasj og ti tablettar, fortel politioverbetjent Anne Lyssand.
Vedkomande blei tatt med til legevakt for utvida blodprøve.
Uhell på Strønebrua
Politiet blei i går varsla om trafikkuhell på Strønebrua.
Ein bil hadde køyrd i og skadd eit rekkverk. Det var entreprenør som driv oppussing av brua som meldte ifrå.
• I førre veke tok ein seglbåt oppi stillas under brua
Politiet har registreringsnummeret på bilen. Det blir opp til Statens vegvesen å eventuelt melda bilførar for skaden som har kome på rekkverket.