Glatt, blautt og fint
Torsdagen og fredagen kan bli glatt, laurdagen blir blaut, men sundagen skal bli fin om vêrmeldinga slår til.
Torsdag morgon var det på grensa til farleg å vera fotgjengar. Nedbøren som kom onsdag kveld og natt til torsdag hadde lagt seg som ei tynn hinne på vegar og fortau.
I følgje Yr.no skal temperaturen halda seg rundt 0 grader heile torsdagen. Litt meir nedbør skal det òg koma, så om ikkje det blir strødd og salta bør ein vera forsiktig når ein skal ut langs vegane.
Fredagen startar bra med temperatur rundt 0 før det stig opp mot 3-4 gradar i løpet av dagen. Yr meldar om laber bris og kun små mengder nedbør i korte periodar.
Etter regn kjem sol
Laurdag held vinden seg som laber bris, men regnet tek seg opp. Fram til laurdagskvelden kan det komma opp mot 20 mm nedbør. Temperaturen vil stiga opp mot 6 grader.
Søndag tydar på å bli ein fin dag. Temperaturen vil riktignok synka utover dagen, men sola skal skine mest heile dagen.
Frå måndag att må ein rekna med meir nedbør og høgare temperatur.