Glatte fylkesvegar mens E39 er stengt
– Eg segla frå Ulven leir ned mot Ulvenvegen.
Måndag ettermiddag har temperaturane gått ned, fleire stadar til under null.
Samtidig har nødetatane øving i tunellane på ny del av E39 igjen.
Med meir trafikk på dei andre vegane mellom Bergen og Os blei det fleire som fekk kjenna på vinterføre.
– Eg valte Fanafjellet, det var kanskje ikkje så lurt. Det gjekk likevel greit, men detvar faktisk minst like glatt i låglandet. Gjennom Åsen og forbi Ulven leir var det svært isete! seier ein trafikant.
Då Midtsiden var oppom Lyseklostervegen i 19.30-tida var forholda gode, utan at vi har sjekka heile strekket.
Samtidig kom det melding om glatte vegar på Nore Neset. Også der er saltinga i gang, og forholda truleg betre om ikkje så lenge.
Øvinga i tunellane på E39 skal vera ferdig klokka 20.30 i kveld.
Verken politiloggen eller Vegtrafikksentralen åtvarar eller fortel om uhell på glatten, utanom ein velta motorsykkel i Loddefjord i 16-tida.
Dei fleste ser med andre ord ut til å takla forholda bra.
