God jakt ved eige reir

Ørna jaktar kanskje ikkje nærmast reiret, men det gjorde politiet i Os i dag.

Rett utanfor kontordøra i Irisgården rigga dei seg til med post som sjekka bilane frå Hatvik. Kollegaene sto i krysset inn til nordre del av Hamnevegen for å taua inn dei somkjørte utan bilbelte eller brukte mobiltelefon på ulovleg vis.

– Vi stoppa til saman 11 bilistar, fortel politibetjent Kenneth Rastad.

8 av dei var grunna manglande bilbelte. Dei fekk gebyr på 1500 kroner.

3 av dei var grunna ulovleg bruk av mobil. Dei fekk forelegg på 1300 kroner.

– Vi har også vore på Halhjemsvegen i dag. Der kontrollerte vi 53 bilistar, éin av dei hadde gløymt førarkortet og fekk gebyr, seier Rastad.