Lokal | 22. mai 2012

God måren!

VIDEO: Tysdag morgon kom ein mår på besøk til ein familie som bur ved Tøsdal. Då måren ville ha egg til frukost kom kråkene og jaga han vekk.

Kjetil Vasby Bruarøy
Kjetil Vasby Bruarøytirsdag 22. mai 2012 08:02

Dei bur ved Byvegen mellom Tøsdal og Hetleflåten og er vant med eit rikt dyreliv utanfor stovedøra.

– Vi ser hjort nesten kvar veke og har også hatt rev i hagen nokre gongar, fortel pappa Bjørn Michelsen.

Bjørn og Janne sine fire gutar gler seg stort over godt fiske, eldstemann Gabriel har fiska både gjedde og laks i Tøsdalsvatnet.

Dei synes også dyrelivet rundt og i hagen er spennande, ikkje minst i dag, då dei fekk noko så sjeldan som ein mår å sjå på medan dei åt frukost.

SJÅ VIDEO NEDST I ARTIKKELEN

– Han kom ut av buskane og sprang inn i hagen. Så prøvde han å koma seg opp i eit tre der vi har fuglekassar, men då kom nokre kråker og jaga han vekk. Dei har truleg reir i nærleiken, dei òg, trur Michelsen.

• Skogmåren er ein av sju mårartar.
• Måren blir frå 65 til 85 cm lang og er eit rovdyr med blant anna smågnagarar, egg og ekorn på menyen.
• Måren var freda frå 1930 til cirka 1970. I dag er den verken sårbar eller truga.
• Mår hevdar revir og trivst vanlegvis ikkje der det er rev.
Les meir om mår på Wikipedia.

VIDEO (00:48): Kampen med kråkene blei ikkje filma, men Bjørn fekk festa nokre av måren sine sprang på film.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.