God start for Nielsens mannskap

Bildeserie:

1 av 5

Laurdag spelte Os sin første treningskamp i 2013 og første kamp etter at Tore Nielsen overtok som hovudtrenar for A-laget.

– At vi vann var ikkje så nøye, eg synes det viktigaste var at vi fekk til mykje av det vi prøvde på. Vi heldt på ballen og vi var aggressive i gjenvinningsfasane, seier Nielsen.

– Vi skåra 4 mål og skapte mange store sjansar. Vi fekk også til mykje bra eitt- og to-touch-spel, ikkje minst takka vera stødige Preben Borgen og Stian Lunde på midtbanen.

– At vi slepp inn 2 på dødball og 1 på personleg feil er ikkje like bra.

Os - Vadmyra 4-3 (3-2)
Målskårarar, Os: Erik Kanestrøm 2, Egil Thuen og Mats Lepsøe.

Os 4-3-3: Frode Moberg Øvredal - Stian Bakke (Steffen Ludvigsen), Torkel Hjertnes, Børge Borgen (Bjarte Halhjem), Glenn Krossøy - Preben Borgen, Stian Lunde, Mats Lepsøe (Håkon Kvittingen) - Ørjan Glesnes (Espen Kopperud), Egil Thuen (Tor Erik Berge) og Erik Kanestrøm.

Os starta best og kjørte fjorårskretsmeisteren i 4. divisjon godt det første kvarteret. Stian Bakke, Mats Lepsøe og Egil Thuen hadde gode skot på mål. Bakke, som nettopp kom tilbake til Os etter utlån til Kopervik, spelte høgreback og fekk til mykje i det offensive spelet.

Men så tok Vadmyra leiinga på corner i 17. minutt og det jamna seg også ut litt spelemessig. I 36. minutt var Stian Bakke gjennom og skåra, men målet blei annulert grunna offside.

Thuen utlikna

To minutt etter kom Preben Borgen nesten til dødlinja på høgre side, sendte ein fin chip over forsvar og keeper nesten ferdigskåra til Egil Thuen.

Thuen hadde i forkant hatt fleire fine løp til dødlinja på venstresida, harde skot som blei slått til corner og eit velplassert mot lengste stolpe som blei klaska ut til ein retur Stian Lunde burde ha putta mellom stengene i staden for utanfor.

I leiinga ved Kanestrøm

Egil heldt fram med å vera farleg på venstresida, som ein omvendt Messi som anten vender inn og fyrer av med høgre eller spurtar til dødlinja og legg inn.

– Kanestrøm spring like mykje i 90. minutt som i 1. minutt og Thuen spring frå kven som helst. Vi får mykje fart på topp i år, åtvarar trenaren.

Eit innlegg i i 42. minutt landa hos Kanestrøm som berre trengte setja breisida til for å gje heimelaget føringa.

Lepsøe tilbake

Mats Lepsøe, som har vore ute i 1,5 år med skade, kom varsamt tilbake i haust.

– No har han også kome i god fysisk form. Eg matcha han varsamt, han fekk berre spela førsteomgangen, men for ein fantastisk spelar.

– Mats er spesielt god på å venda opp, han er ikkje avhengig av å senda støttepasning for å koma seg vidare, skryter Nielsen.

Vadmyra utlikna til 2-2, men rett før pause banka Lepsøe inn 3-2-leiing til Os.

Færre mål etter kvilen

Os gjorde fem byte, nokre av dei i pausen. Spelarar som Christer Olsen fekk kvila fordi Nielsen frykta ny skade på spissen på det glatte føret.

Ramo Racic og Per Søgnen Merai er allereie ute med skade og Tore Valvik har førebels ikkje bestemt seg for kvar han vil spela denne sesongen.

I 2. omgang utlikna Vadmyra igjen, cirka 15 minutt før slutt. Men 10 minutt etter skåra Kanestrøm sitt andre for dagen og 4-3 sto seg kampen ut.