God stemning på veg til VM

Bildeserie:

1 av 12

I går reiste 18 osingar til Salzburg, i skrivande stund sit reisefølgjet på bussen på veg til skøyte-VM i Inzell.

– I tillegg til god stemning blant osingane, såg resten av flyet ut til å vera fylt med feststemte folk på veg på skiferie. Det blei svært livleg frå Flesland og heilt til kvelden tok slutt i går, fortel Midtsiden sin mann i reisefølgjet, Kjetil Osablod Grønvigh.

– På den korte bussturen til hotellet, og under alle måltid, er det tett med vitse- og historieforteljingar. Enkelte sit med hakeslepp, andre ler godt!

Onsdag ettermiddag var det berre inn på hotellet for å setja frå seg bagasjen, for byvandring og lunsj i Salzburg.

– Vêret er fint, stemninga på topp og byen er heilt fantastisk. Her skal eg tilbake! seier Grønvigh.

Også torsdag formiddag har det vore duka for ein spasertur frå hotellet gjennom tunellen og inn i gamlebyen, men no sit gjengen på veg til hovudmålet med turen, VM enkeltdistansar og Sverre Lunde Pedersen sin 5000 meter.

Sverre i 9. par

Midtsiden kjem tilbake med meir frå turen og VM.

Følg oss gjerne på Facebook og Instagram.

5000-meteren startar klokka 17.54. Sverre går niande og nest siste par mot russiske Danila Semerikov. Sven Kramer går i 7. par mot Davide Ghiotto, mens Alexander Rumyantsev, som ligg eitt poeng bak Sverre samanlagt i verdscupen, går i 8. par.

Under ser du øving på heiarop på veg til Inzell:

På veg til Inzell - VM 2019 from Midtsiden on Vimeo.