Meining | 10. sep. 2023

Godt val, heiter det, og godt val håpar eg at det vert

DEBATT: For meg ser det ut for at verda vil bedras, og ikkje betrast.

Godt val, heiter det, og godt val håpar eg at det vert
Geir-Magne J. Moberg. (Foto: privat)
Kjetil Vasby Bruarøy
Kjetil Vasby Bruarøysundag 10. sep. 2023 16:33

Terje Søviknes har nok allereie lagt champagnen sin på kjøl, medan Marie er klar for å sjenka ...

For det er slik det ser ut. Høgre har ingen visjon om å styra, ta makt, men berre interessert i posisjonar.

Flinke er dei, med alle midlar dei får til å laga valkamp. Terje er meir på film enn nokon andre skodespelarar for tida, og no skal han, FrP og Høgre få fart på kommunen igjen.

Dei prøver å skapa ein illusjon. I 20 år har vi vore under FrP og Høgre sitt styre.

Eg veit ikkje om eg skal nemna Høgre meir, fordi dei verkar berre som marionettar for FrP.

Men altså no skal dei retta opp att alle feila frå i går. Eller gjera dei om att …

Sjølvsagt er det dagens posisjon som er grunnen for all elende.

Det var Ap som skapte Covid, Sp som starta krigen i Europa, begge parti som sette i gang ein inflasjon og renteheving me ikkje har sett makan til sidan 1980-talet.

Men det var FrP som ville ha kommunesamanslåinga …

For meg er lokalpolitikk viktig i eit lokalval.

Saker som kjem til å påverka kvardagen vår, naturen og levevilkåra våre.

I det siste tiåret har det vore éi sak som kjem til å vera av den største tyding for oss alle; E39.

Med sterke folk i politikken skulle ein tru at vi var trygge, men nei.

FrP og Høgre høyrde kva «mammaen» deira sa, og selde bygda si for sølvpengar.

Dei kom med «lovnader» som Bjørnatrynet og fastlenking til Gulholmane, vel vitande at det var rein illusjon.

Dei same skal no retta opp ein økonomi dei sjølv har hatt ansvar for i dei to siste åra… Det er deira budsjett dagens «posisjon» må styra etter.

Eg kan sjølvsagt ta feil, men for meg ser det ut for at verda vil bedras, og ikkje betrast.

Godt val alle.

Geir-Magne J. Moberg

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.