Google på tokt i Os

Dei siste vekene har ein tyskregistrert bil med kamerautstyr på taket cruisa rundt på vegane i Os.

I dag er ein «uniformert», norskregistrert bil frå Google på farten, observert på Søfteland retning Os.

– Viss bilen er i Os, så er den nok der for å ta bilde. Det er ikkje med fast frekvens, men frå tid til annan, at vi oppdaterer oss, og eg veit at vi er ute i felten no, seier kommunikasjonssjef Sondre Ronander til Midtsiden.

I 2017, då Google Maps var 10 år, presenterte dei sine nydekorerte bilar med denne videoen på YouTube (som Google eig):

Ferskaste norske pressemelding frå Google Maps, frå september i fjor, fortel kva som var dei mest populære søkeorda i Noreg innan turistattraksjonar på kartet.

Her er lista:

1. Nordkapp
2. Frognerparken
3. Kristiansand Dyrepark
4. Vigelandsparken
5. Vøringsfossen
6. Bø Sommarland
7. Operahuset Oslo
8. Tusenfryd
9. Steinsdalsfossen
10. Vikingskipshuset

Når Google Maps er ute og tar nye bilde, hender det at enkelte stiller seg opp for å laga underhaldande gatebilde til kartet.

I 2010 fekk to menn i dykkarutstyr merksemd i BT, då dei «jaga» Google-bilen med hawaiislynge.

– Vi ser at det ofte blir mottatt med glede og litt engasjement når Google-bilen er i nærleiken, og det er berre kjekt, synest Ronander.

Google har sjølv ei oppramsing av sine 15 mest populære street views i eigen blogg.

Elles er det mange videoar med «disturbing things» sett på Google Maps og street view å finna. Desse skal du få søkja deg fram til sjølv.

Her er nokre andre morosame, norske stunt: