Gravde over høgspentleidning

Klokka 10.36 onsdag formiddag fekk BKK melding om straumbrot i delar av Os.

- Abonnentar i Varåsen og industriområdet Kolskogen er blant dei som er utan straum, fortalte informasjonsrådgjevar Ingunn Halvorsen frå BKK Nett rett etter at straumen gjekk.

Os Gymnas, Os vidaregåande skule, Oshallen og fleire bedrifter i Industrivegen var ramma av straumbrotet.

Gravde over kabel
Etter nokre minutt kom BKK tilbake til Midtsiden med meir informasjon om straumbrotet.

- Årsaka til straumbrotet skal vera eit graveuhell. Ei gravemaskin har vore borti ein høgspentkabel.

- Vi har no montør på veg til staden. Når skaden er reparert vil vi gradvis kopla på straumen igjen.

Bruker mykje straum
Klokka 12.47 fekk dei siste i Os straumen tilbake.

- Folk brukar mykje straum i dag på grunn av kulden, og vi måtte difor planlegga godt når kundane skulle koplast inn at så vi ikkje overbelasta straumnettet, fortel Halvorsen.

- Vi har folk på staden som er i gang med å reparere den øydelagde kabelen. Denne skal vera klar til bruk igjen i dag, slik at vi er forberedt på nye kalde dagar., avsluttar informasjonsrådgjevar Ingunn Halvorsen i BKK Nett.