Gravinga på Storum held fram

Bildeserie:

1 av 2

Etter at det i førre veke blei funne store beinrestar på Storum, som truleg stammar frå ein rundt 10.000 år gamal kval, har det vore stopp i delar av arbeidet med utvidinga av Lepsøyvegen.

– Gravearbeidet held fram frå tysdag, men med ein observatør frå UiB som følgjer med. Det skal gå roleg for seg og om det blir fleire funn så blir det ekstra varsamt, seier Marit Eidsnes Rogne frå Statens vegvesen.

Uvisst om det er meir å finna

– Det har i dag vore arkeologar på staden, og funnet blir sett på som veldig interessant.

– Men det er ikkje sikkert at dei finn meir og det er for tidleg å håpa på at det ligg eit heilt skjelett på staden. Funnet blei gjort djupt nede og vi såg det som mest fornuftig å halda fram med maskin, men som sagt, med arkeolog som observatør for kvar grabb som blir tatt.

(Høyrd på Øyro: Mens ein augestikkar var nok til å setja ny veg til by'n på vent i fleire år skal det meir enn ein kval til for å stoppa ny veg til Øyane.)