Gripande om rus

Rørt ut medtatt tusla kommuneadministrasjon tilbake til jobb. Framsyninga «Rus» var sterk kost.

Julia Agate Erstad Bergesen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 08. mai 2010 09:04

Bildeserie:

1 av 6

Dansen, musikken, dramaet og den avsluttande monologen råka tilskodarane med kraft.

Fredag formiddag fekk administrasjonen i Os kommune sjå det rundt 40 minutt lange dansestykket «Rus» i Fjellheim, og dei var alle synlegmedtatt og rørt då Julia Agate Erstad Bergesen, Lene Nordstrønen og Patricia Langeland runda av.

SJÅ VIDEO FRÅ FRAMSYNINGA NEDST I ARTIKKELEN.

- Ideen og prestasjonane er heilt fantastiske, likevel er det vanskeleg å applaudera. Innhaldet er så alvorleg, og kom så godt fram, at dette verka ekstra sterkt inn på ein kommunaldirektør med ansvar for samfunnsuvikling, sa Karl Ole Midtbø før han gjekk tilbake til kontoret sitt i rådhuset.

Ut av bygda
Ordførar Terje Søviknes og kultursjef Lisbeth Axelsen var også blant dei rundt 20 som såg «Rus».

- Eg er heilt ... mållaus. For ei nerve det var i denne framsyninga, dette burde vore vist utanfor bygda, sa Axelsen.

- Dette var ein sterk måte å visa den indre og ytre kampen til ein ung rusmisbrukar på, meiner Søviknes.

10 år på kulturskulen
Patricia Langeland har sett opp med to av elevane hennar ved Os kulturskule. Sjølv symboliserer ho rus i stykket, medan Lene Nordstrønen er «systemet», det offentlege, og Julie Bergesen ungdomen med rusproblem, som kjempar med og mot dei begge.

- Julie og Lene har vore elevar hos meg i 10 år, fortel Patricia, som til saman har 135 elevar delt i 11 grupper.

Berre éin skule takka ja
Patricia lagde stykket i haust og har øvd saman med elevane sidan november. Ungdomsskulane i Os fekk tilbod om å sjå stykket gratis, men berre Fusa og Søfteland takka ja.

- Det synes eg er litt skuffande, seier Patricia.

Sonen Benjamin skuffa ikkje. han har skrive monologen som stykket blir avslutta med, som Julie framfører med minst like stor innleving som i dansen.

- Stykket skal vera pedagogisk, derfor er monologen ei fin oppsummering, ein god måte å forklara og understreka handlinga i dansen på.

Til London
Medan Lene nyleg har kome tilbake etter eit år pause frå dans, går Julie på Bårdar Akademiet, og har fått plass på einprestisjetung danseskule i London.

- Om alt det praktiske løyser seg så byrjar eg på Laban School of Contemporary Dance til hausten, fortel Julie.

- «Rus» ser ut til å vera eit krevjande stykke. Korleis er det å gråte i nesten ein time, samstundes som du dansar?

- Det er slitsomt både fysisk og psykisk, men det er verdt det, om vi når ut til nokon, svarar Julie.

I London vil ho ta treårig bachelorstudie, og kanskje bygga på med mastergrad etterpå. Medan vi spør Patricia om elevtalet og ventelister, og lærarinna fortel at ho skulle hatt ei lærarinne med seg, seier Julie «eg kjem tilbake».

Sjå video med delar av framsyninga og monologen i avsluttinga:


Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.