Grisekøyring og ferjenekt
Måndag fekk politiet meldingar om grisekjøring i Finnebrekka, døde dyr og ein førar som nekta å betala for ferja.
I 17.30 tida fekk politiet melding om ein førar av langtransport som ikkje ville betala for seg på Halhjem ferjekai. Transportselskapet til føraren hevda på deira side at han ikkje FEKK betala for seg.
Politiet var ute på staden og saka ordna seg.
Full fart i Finnebrekka
I 19.00 tida kom det inn melding til politiet om ein bil som hadde sota vindauger både i front og på sider. Sjåføren blei funnen og slapp unna med tilsnakk og ein advarsel.
– Neste gong blir det bøtlegging, seier politioverbetjent Terje Sperrevik.
Politiet fekk seinare på kvelden inn eit tips om at ein annan bilførar hadde dreve med grisekjøring i Finnebrekka og blant anna vore borti eit rekkverk.
Politiet fann bilen, men både førar og passasjer nekta på forholdet. Politiet måtte la dei gå grunna manglande bevis.
Stolne syklar
Det blei funne to syklar i Hamnevegen og Kolabakkane i går kveld. Dei viste seg å vera stolne. Politiet oppfordra folk til å skriva ned id-nummer og merke på eigne syklar, for å lettare finna dei igjen om dei blir borte.
Det blei også meldt inn to døde dyr måndag. Ei svane blei funnen død ved Vindalsvatnet. Ho hadde vikla seg inn i tauverk og truleg døyd av dette.
På Bjånes blei det funne ei død nise. Denne saka sender politiet vidare til den lokale forureinings myndegheit.