Er sjølvtilliten frynsete og bekymringane hyppige? Grublar du mykje? Har du lyst til å læra nokre teknikkar for å få det betre? spør Vestland fylkeskommune.
Dei set opp nettkurs som skal hjelpa ungdom å takla negative tankar.
«Tankevirus» er eit gratis meistringskurs retta mot førebygging og meistring av lette til moderate psykiske vanskar.
Kurset er gratis og alle deltar anonymt.
Det er òg kvalitetssikra og tilrådd av Helsedirektoratet og Helsedepartementet.
Nettkursa er først til hausten, men finst òg som gratis app.I 2022 var det 100.000 personar som lasta ned appen.
– Sju av ti opplever betring, opplyser fylkeskommunen.
Vestland fylkeskommune og Frisklivsentralen i Bergen kommune arrangerer Tankevirus-kursa saman.
