Gullgutane

Osgutane tok seg til finalen etter solide sigre i gruppespelet. I semifinalen sundag formiddag var dei like solide då dei slo Storhamar 11-6.

I finalen møtte dei Tiller frå Trondheim. Eit lag dei slo i innleiande kamp 11-5. Finalen blei ein jamn batalje kor laga følgde kvarandre tett.

- Vi var nok litt nervøse. I tillegg visste Tiller no kven av våre spelarar dei skulle ha eit ekstra auge på.

- Dette gjorde at vi stressa litt. Når heiagjengen på tribuna i tillegg lagar så mykje lyd som dei gjorde var det vanskeleg å få gjeve beskjed til gutane på bana, smiler ein nøgd Ostrenar Solveig Sønnøve Hamre.

Berre sekunder før full tid satte Os inn det avgjerande 6-5 målet til vill jubel frå tribuna.

Tredjeplass til J13

Handballjentene på J13 fekk ein lengre veg i slutspelet. Sundag morgon slo dei først Storhamar 1 10-7 i 1/8-delsfinalen før Storhamar 2 fekk unngjelde i kvartfinalen med 9-1. Semifinalen gjekk samstundes med finalen i B-sluttspelet for G14 kor Os møtte Bjørndal frå Oslo.

Diverre for Os blei motstanderane for sterke. J13 tapte 2-7 for Ull/Kisa, medan dei eitt år eldre gutane måtte sjå seg slått 9-14.

Hamna i B-finale

Det er ikkje berre spelarane til Os Turn som har vore i sving i Vikingskipet i helga. To dommarpar har også tatt turen over fjellet.

- Vi er vel oppe i 25 kampar så langt, fortel Sivert Egge Drange og Nils Andris Hamre.

- No har vi nettopp dømt B-finalen i J12 mellom Storhamar 3 og Skiptvet. Dei som skulle ha dømt den kom ikkje i tide, så vi måtte steppe inn.

- Det gjekk eigentleg greit, sjølv om det blei ein jamn kamp, fortel dei to. Skiptvet vann tilslutt 7-6.