Gullkalven Eirik

Gjennom heile vinteren og våren fekk Eirik Søfteland massiv støtte i Os, som saman med fans frå heile landet stemte han fram til finale i Idol.

I helga ville han gje litt tilbake til osingane – og til festivalarrangørane og rockeklubben, som frå før er ein del av hans nærmaste omgangskrets. Og Eirik nådde ut til mange!

SJÅ VIDEO NEDST I ARTIKKELEN

Fredag kveld skapte Eirik og resten av bandet KingCalling rekordgod start på Søfteland Rock N LOL, som første band ut, men med godt med folk framfor scenen.

Sjå video frå Eirik og Kjetil sin trommesolo fredag kveld.

Laurdag var det gratis familiedag, som Datarock og Samsaya trekte 1000 små og store til i fjor. Eirik med band, og Real Ones, fekk utrulege 3000 til å koma til Olav Valle sin gard på Sanden på Søfteland.

Sjå bildeserie frå familiedagen.

I tillegg annonserte han at han ville dukka opp igjen på kvelden, etter ein snartur til Nesbyen med helikopter, for å kjøra tre låtar innimellom resten av programmet.

Sjå video frå heile festivalen.

Søfteland blei mottat med hysteriske hyl og allsong både på dagtid og kveldstid.

– Eirik har betydd veldig mykje for årets festival. Først no i etterkant, medan vi har gått og rydda på området, har vi fått takka han skikkeleg, seier festivalsjef Andreas Lindborg.

VIDEO: Sjå 5 minutt av familiedagen på Søfteland Rock N LOL laurdag. (Foto: Henrik Mjelva, midtsiden.no)