Gullklokke til Kolskogen

Trufast frå start: Randi Kolskogen var berre 13 år då ho byrja i butikkbransjen. No har ho blitt heidra med velfortent gullklokke.

Randi Kolskogen blei tildelt gullklokka av butikksjef Jahn-Ingolf Lyssand. (Privat foto)
Kjetil Vasby Bruarøy
Kjetil Vasby Bruarøymandag 19. mars 2012 20:40

Ho rakk verken fyll 39 eller 40 år, Randi Kolskogen, før ho hadde 25 år fartstid i same jobb. No har Randi fått gullklokke for lang og tru teneste.

–Randi blei tilsett i Drageset-konserten så tidleg som i 1986. Ho starta karriera i Industrivegen, som på folkemunne den gong blei kalla "grustaket", fortel butikksjef i det som i dag er Meny, Jahn-Ingolf Lyssand.

23 år og butikksjef

Randi var berre 13 år då ho byrja å jobba for Drageset etter skuletid. Allereie då ho var 21 blei ho assisterand butikksjef, to år seinare blei ho sjef, men då i Studalen.

– Jarle og Paul Drageset satsa mykjee på ungdomen, gav dei tillit og lét dei prøva seg i ansvarskrevjande jobbar, fortel Lyssand.

– At ho pendla til Studalen kvar dag viser litt av den stå-på-viljen ho har, legg han til.

Framleis i leiargruppa

Kolskogen har vore butikksjef også på Haugsneset og på Knarvik. I tida 1996 til 1998 fullførte ho eksamen ved Norges Varehandelshøyskole.

– Randi har aldri vore vanskeleg å be. Ho er blid, omgjengeleg og full av gode idear - og ho held ut i eit stressande yrke.

Kolskogen er i dag del av leiargruppa i Meny Industrivegen, der det heile starta.

Gullklokka fekk ho på Meny sitt julebord på Kafé Ole B i desember.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.