Gullklokke til Kolskogen
Trufast frå start: Randi Kolskogen var berre 13 år då ho byrja i butikkbransjen. No har ho blitt heidra med velfortent gullklokke.
Kjetil Vasby Bruarøy
Ho rakk verken fyll 39 eller 40 år, Randi Kolskogen, før ho hadde 25 år fartstid i same jobb. No har Randi fått gullklokke for lang og tru teneste.
–Randi blei tilsett i Drageset-konserten så tidleg som i 1986. Ho starta karriera i Industrivegen, som på folkemunne den gong blei kalla "grustaket", fortel butikksjef i det som i dag er Meny, Jahn-Ingolf Lyssand.
23 år og butikksjef
Randi var berre 13 år då ho byrja å jobba for Drageset etter skuletid. Allereie då ho var 21 blei ho assisterand butikksjef, to år seinare blei ho sjef, men då i Studalen.
– Jarle og Paul Drageset satsa mykjee på ungdomen, gav dei tillit og lét dei prøva seg i ansvarskrevjande jobbar, fortel Lyssand.
– At ho pendla til Studalen kvar dag viser litt av den stå-på-viljen ho har, legg han til.
Framleis i leiargruppa
Kolskogen har vore butikksjef også på Haugsneset og på Knarvik. I tida 1996 til 1998 fullførte ho eksamen ved Norges Varehandelshøyskole.
– Randi har aldri vore vanskeleg å be. Ho er blid, omgjengeleg og full av gode idear - og ho held ut i eit stressande yrke.
Kolskogen er i dag del av leiargruppa i Meny Industrivegen, der det heile starta.
Gullklokka fekk ho på Meny sitt julebord på Kafé Ole B i desember.