Gut uskadd etter ulykke på Thuen

Torsdag klokka 08.20 fekk politiet melding om trafikkulykke på Thuen.

Ein bil hadde køyrd på ein gut i krysset mellom Lepsøyvegen og Særvollvegen.

Politi, ambulanse og legevakt rykte ut til staden. Guten var bevisst og oppegåande.

– Han er kontrollert og dimittert av lege. Han har heldigvis berre fått nokre skrubbsår, opplyser politiet på staden.

Politiet har foreløpig ikkje heilt oversikt over kva som har skjedd, men fortel at bilen ikkje skal ha treft guten, men sykkelen, ein samanstøyt som fekk sykkelen til å ramla.

Bilen hadde retning Os. Ulykka skal ha skjedd mens ein buss var innom busstoppet, noko som kan ha vore med på å gjera staden uoversikteleg.

Det er ikkje tatt stilling til om det blir førarkortbeslag. Bilførar er ei kvinne i 30-åra.