To gutar frå same gate

Ole Reinert Berg-Olsen var i dag med på å gje Kygo ein stein i Bergen Walk of Fame.

Kygo saman med Ole Reinert Berg-Olsen, som no bur i Os, men jobbar for Bergen Næringsråd. (Privat foto)
Kjetil Vasby Bruarøy
Kjetil Vasby Bruarøyfredag 05. okt. 2018 14:56

Bildeserie:

Kygo med steinen han i dag fekk på Bergen Walk of Fame. (Foto: Ole Reinert Berg-Olsen, Bergen Næringsråd)
1 av 1
Kygo med steinen han i dag fekk på Bergen Walk of Fame. (Foto: Ole Reinert Berg-Olsen, Bergen Næringsråd)

Kyrre Gørvell-Dahll, betre kjent som Kygo, har slått selskap med blant andre Aurora og Sverre Lunde Pedersen og fekk i dag sin eigen stein i Bergen sin «Walk of Fame» utanfor Nøsteboden.

– Eg har vakse opp i Bergen, og eg har tenkt å bu her heile livet, så dette var gøy, seier Kygo til BT.

Ein av dei som heldt tale var musikar Ole Reinert Berg-Olsen frå Os. Ole jobbar for Bergen Næringsråd, men har òg eit visst personleg forhold til ein svært ung utgåve av Kyrre.

– Vi vaks opp i same gate på Hop, husa våre låg vis a vis kvarandre. Men han er ein del yngre meg, så historien eg nemnte i dag var frå då eg sprang rundt i gata, utkledd som Batman, og han låg i vogn som forskrekka baby, seier Ole til Midtsiden.

– Utruleg musikalsk!

Som musikar er Orbo opptatt av det autentiske, musikk spelt med instrument. Sjølv om Kygo lager meir moderne musikk, er han òg først og fremst ein musikar med utgangspunkt i eit akustisk instrument.

– Eg synest Kygo er ein strålande pianist, veldig kreativ og ein eksepsjonelt musikalsk mann!

– Han er ikkje berre god som DJ og remiksar, med piano som utgangspunkt har han skapt ein heilt ny musikksjanger. Høyr berre på riffet i «Firestone», det er i særklasse, skryter musikaren som i vaksen alder flytta frå Hop til Os.

På jakt etter talent frå bergensområdet

Under middagen sat Berg-Olsen mellom Per Grieg sr og Kygo.

– Praten gjekk naturlegvis innom Oseana, men vi snakka òg mykje musikk.

I går ble det kjent at Kygo og manageren Myles Shear har starta sitt eige plateselskap, Palm Tree Records, i samarbeid med Sony.

– Målet er finna nye musikktalent, spesielt innan EDM-sjangeren.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.