Hadde 6 prikkar frå før - så fekk han politi i sivil bak seg

Politi i sivil la seg i 12-tida i går bak ein bil frå Halhjem ferjekai mot Os på E39.

– Mellom Haugland og avkøyrsla til Lunde og Lekven blei farten målt til 90 km/t, fortel politioverbetjent Anne Lyssand.

Det resulterer i 5000 kroner i forelegg og 2 prikkar på førarkortet.

– Bilførar, ein mann i 60-åra, hadde 6 aktive prikkar frå før, dermed kom han opp i 8, og det blei førarkortbeslag.

Mannen erkjente forholdet og samtykka i førarkortbeslag.

Snittmåling på Byvegen

Ei kvinne i 30-åra fekk 4050 kroner i forelegg og to prikkar på førarkortet etter snittmåling.

Ho blei målt i 73 km/t i ei 60-sone på Byvegen.