Nora Nøss var blant dei 80 sombrukte fridagen sin på Kuventræ i dag. Her med ein svært overbevisande skotfinte. (Foto: KVB)
Hadde du gått på denne skotfinten?
– Eg har ikkje sett på makan til talent, ho driblar alle, inkludert eldre gutar, og er knallgod med begge bein, skryter Stian Kvåle.
Han var saman med Hassan El Fakiri, Ørjan Håland og Endre Brenne instruktør under fotballskulen på Kuventræ då det i dag var planleggingsdag på barneskulane.
10 år gamle Nora Nøss, søstera til Tobias, som nyleg blei tatt ut på kretslaget, gjorde inntrykk, og finta blant anna assistenttrenar på alaget, Ørjan Håland, rett på rygg.
– Det blei mykje speling i dag, så alle heldt varmen i regnet, fortel Hassan.
Laaang venteliste
Os Fotball følgte opp det nye tilbodet, Supersøndag, med Magisk Mandag, ein éindagsfotballskule då barneskulane hadde planleggingsdag.
– Det blei fort fullt, alle dei 80 plassane var booka og folk har ringt heile helga. Vi kunne sikkert tatt inn 150, seier Endre Brenne.
Dagen var open for alle frå 2. til 7. klasse. Deltakarane blei delt i grupper, og med mykje regn mesteparten av dagen starta dei yngste innandørs, nokon i Oshallen, andre på «kino» i klubbhuset.
Siste økt kunne dei velja om dei ville vera inne eller ute. Mange var godt kledd og ville ut og spela, så då blei det spel på fire banar også på tampen av dagen.