Hadde kjøpt bil på auksjon - blei stoppa med to ulike, ugyldige skilt

Uheldig eigar hadde kjøpt bilen på auksjon.

Politiet kontrollerte ein bil som sto parkert ved Amfisenteret laurdag. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 11. apr. 2021 09:56

Laurdag i 13.30-tida kontrollerte politiet ein bil på parkeringsplassen til AMFI Os.

– Bilen hadde to ulike kjenneteikn, begge var ugyldige, fortel politibetjent Morten Haugland.

Dei fekk kontakt med eigar, som kunne visa dokumentasjon på nyleg kjøp og på EU-godkjenning.

– Han hadde nyleg kjøpt bilen på auksjon. Der har seljar tydelegvis ikkje hatt konsentrasjonen på topp då han skrudde på skilta, og eigar har gløymd å sjekka at alt stemmer.

– Det går an å forstå at det er travelt på ein auksjon, med mange bilar og skilt i omlaup, men samtidig ikkje greit å enda opp med å køyra rundt med ugyldige skilt.

Bilen blei avskilta og politiet følgjer opp med forhandlar.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.