Statens vegvesen hadde kontroll på Os igjen i går, og ein av lastebilane dei stoppa vekker merksemd.
Bilen hadde så mange bombrikker plassert utover frontruta at sikta blei svært dårleg.
– Hadde eg ikkje flytta meg så hadde eg blitt påkøyrd, seier Terje Bødtker til NRK Vestland.
Han hevdar sjåføren ikkje såg han, og at han måtte flytta seg etter å ha vinka han inn.
Sjåføren er frå Tyrkia, og var på veg til Bergen med last. Han skal ha forklart at han har køyrd sånn i lengre tid.
Det blei nedlagt bruksforbod, men etter å ha fjerna brikkene og limen fekk han køyra vidare.
Det fekk ingen andre følgjer for sjåføren, normal prosedyre er åtvaring dei to første gongane og 8000 i forelegg om du blir tatt ein tredje gong.